ပုံရိပ်စစ်

သိတော့သိသည် အတွေးတစ်ခု
မရေမရာ ကိုယ်ကိုယ်တိုင်လည်း
ပြန်မမေးရဲ ခံစားခဲ့တာတော့
အသေအချာ....

ပြန်လာနိုးနိုး လာမည်လားနှင့်
မျှော်ခဲ့တာလည်း ရက်တွေကုန်လို့
လတွေပြောင်းကာ နှစ်တွေကြာခဲ့ပြီ....
ကြာတော့ကြာပြီ ဆိုပေမယ့်လည်း
ခံစားချက်က အရိုးထိအောင်
ရူးသွပ်ခဲ့တော့ ရင်မှာနုသစ်ဆဲ..

အတွေးတစ်ခု မရေရာသော်လည်း
ခံစားချက်တစ်ခု ရေရေရာရာ
ကိုယ်တိုင်သိလို့ ခံစားမိကာမှ
နှုတ်ကမထွက် ပင့်သက်အရှိုက်
ရင်တဖို့မှာ သက်ပြင်းတွေနှင့်
မျောပါရ၏...

ဘယ်သောဘယ်ခါ ပြန်ဆုံမည်လဲ
ပင်လယ်တွေခြား ဝေးကြီးဝေးမှ
ကိုယ်တိုင်သိလို့ ခံစားမိလည်း
အချိန်တွေဟောင်းနှင့် အချိန်တွေနှောင်းကာ
ကိုယ်ကိုယ်တိုင်တောင် ပြန်မတွေးရဲ
ရင်ကနှလုံးသား နာကျည်းကျန်မှာ
စိုးပါသည်...

ညစဉ်ညတိုင်း ကိုယ့်တွေးစိတ်ထဲ
စိုးမိုးလွန်းတဲ့ အပြုံးမျက်နှာ
ပြန်မြင်ယောင်မိတဲ့ ကိုယ့်အိပ်မက်တွေ
ဘယ်သူပြောလို့ သူသိမှာလဲ
ရှက်ပြုံးပြုံးလေး ပြုံခဲ့မိတာ..
မျှော်ကာနေမလား ကိုယ်တစ်ယောက်တည်း
အတွေးဝင်မိ ရင်မှာခံစား
အတိတ်ဟောင်းတွေ ပြန်သတိရကာ
သူပေးခဲ့သော အမှတ်တရ
အလွမ်းတွေနှင့် အဝေးကြီးဝေးမှ
မင်းကို...... ချစ်တတ်ခဲ့ပြီ
မိန်းကလေးရယ်

24.8.2009
9:00(PM)